التعاون الفني بين الفنان ستار الساعدي والملحن الكبير جعفر حسن

2015-08-05

قام الفنان العراقي عازف الطبلة ستار الساعدي بأهداء البوم الفنان العراقي الكبير جعفر حسن الى مدير مؤسسة اون فايل الهولندية السيد مارتن 
 يحتوي الالبوم على احدى الاغنيات التي كتب كلماتها الفنان ستار الساعدي ولحنها وغناها الفنان الكبير جعفر حسن

أغنية وديني البصرة

ودني البصرة
____
كلمات الفنان ستار الساعدي
الحان وغناء الفنان جعفر حسن
____ 
نـــــوخذة  لاجيت  بتسافر
ودني البصرة
بالدكًل  والحبل   ربطوني
ودني لافــــوكً
______
ودني  لافوكً  يابوية      طالت الفركًة
من كثر مشتاكًهم      ضلوعي محتركًة
عالصبر ماكًدر يابوية
ودني لافوكً
بالدكًل والحبل ربطوني
ودني لافوكً
ودني البصرة
_______
ودني لا فوكً محبوبي  طلته الكًمرة
من كثر ماشتاكله  كًلبي مشتعل جمرة
عالبعد  ماكًدر يابوية
ودني لافوكً
بالدكًل والحبل ربطوني
ودني لافوكً
ودني البصرة
_________
نوخذة  لو  بانوا احبابي  بلغ اشواقي
كَلهم  مانساكهم  كلبي  حبكم  باقي
عالهجر ماكًدر يابوية
ودني لافوكً
بالدكل والحبل ربطوني
ودني لافوكً